Mozos socialistas de Ourense critican o peche do Lusquiños

As Xuventudes Socialistas lamentaron onte o peche do Espazo Lusquiños para a mocidade por parte do Concello de Ourense. A organización dos mozos do PSOE cre que ao alcalde “nada lle importou a mocidade” durante este mandato, e acúsao de ter estado “xogando” coa apertura e peche de espazos como o Lusquiños ou La Molinera, no que fracasou o Centro de Intelixencia Artificial -tamén clausurado-”.

Alba Iglesias, líder das Xuventudes Socialistas na cidade, salientou que o actual goberno local presenta “unha evidente e manifesta falta de capacidade de xestión”, así como unha “erro na interpretación” do que quere a xuventude de Ourense: “Esiximos recuperar os nosos propios espazos, queremos desfrutar das poucas infraestruturas coas que conta a mocidade e que se retome a oferta de actividades”. O Espazo Lusquiños fora reaberto o pasado verán, pero o goberno local en solitario de Jácome decidiu pechalo o 21 de xaneiro.