Maxia, música, deporte, patinaxe, baile, charlas, as visitas do Apalpador, Papá Noel e Reis Magos conforman a programación de Nadal de Barbadás. A sala Manuel María será escenario o 17 de decembro do espectáculo “O Nadal máis máxico”, a cargo do mago José Rivera, para escolares. O día 18, na rotonda da Familia, ás 12,30 horas, a música será protaognista, coa Asociación Cultural San Mauro.
Papá Noel visitará os alumnos dos colexios o día 21 de decembro e o Espazo Infantil das instalacións municipais da Solaina acollerá a ludoteca de Nadal os días 22, 23, 27, 28, 29 e 30 de decembro, e os días 3, 4 e 5 de xaneiro. O 23 de decembro será a “Visita do Papá Noel” na glorieta da familia; o Apalpador fará chegará o día 30 e o 3 de xaneiro será o gran día para os nenos do rural, porque os Reis Magos realizarán as tradicionais visitas a Sobrado, Loiro, Bentraces, Barbadás, As Lamas, Finca Fierro, Parada e Piñor.
