A Fundación Otero Pedrayo acordou entregar o Premio Trasalba 2012 á pedagoga Antía Cal Vázquez, filla de emigrantes galegos en La Habana. A entidade tomou esta decisión por unanimidade ao considerala unha persoa vencellada ao galeguismo e á difusión da cultura galega. Asemade, destacaron que se trata dunha muller emprendedora e que desenvolveu a súa actividade no entorno galeguista.
O acto de entrega do galardón terá lugar nunha festa literaria que se celebrará o 24 de xuño na Casa Grande de Cimadevila (Amoeiro), contando coa participación de amigos e admiradores da pedagoga. Tamén o profesor Xesús Alonso Montero recollerá nun libro as súas experiencias e significación.
Antía Cal estudou o bacharelato tras voltar a Galicia dende La Habana aos nove anos e posteriormente fíxose mestra e licenciouse en Xeografía e Historia. Casou co galeguista, Antón Beiras García. Asemade, no ano 1961 fundou o colexio Rosalía de Castro de Vigo, centro de irradiación progresista das novas tendencias da educación que formou a intelectuais galegos. Por outra banda, a galardonada publicou en Galaxia o seu libro de memorias 'Este camiño que fixemos xuntos' no que evoca a súa vida e a súa adicación ao ensino.
Antía Cal estudou o bacharelato tras voltar a Galicia dende La Habana aos nove anos e posteriormente fíxose mestra e licenciouse en Xeografía e Historia. Casou co galeguista, Antón Beiras García. Asemade, no ano 1961 fundou o colexio Rosalía de Castro de Vigo, centro de irradiación progresista das novas tendencias da educación que formou a intelectuais galegos. Por outra banda, a galardonada publicou en Galaxia o seu libro de memorias 'Este camiño que fixemos xuntos' no que evoca a súa vida e a súa adicación ao ensino.
