A Peroxa acolle a presentación do programa Interritmos

PROXECTO CULTURAL

O venres, as 18,00 horas, presentarase o novo formato do Programa Interritmos, no que se avanza cara a profesionalización da música de raíz galega, pasando de ser un concurso musical a un programa de capacitación e detección do talento e un espazo de encontro entre a música de raíz galega e o flamenco.

A xornada contará cunha breve presentación do proxecto por parte da manager e xestora cultural Patricia Hermida, unha mesa de experiencias e masterclass a cargo de Argentina (cantaora de flamenco) e Sheila Patricia (Artista, cantante e compositora), a actuación musical de AC OS Xuncos de Xunqueira de Espadanedo e rematará cunha degustación gastronómica.

Este evento enmárcase nun proxecto de traballo en rede no que colabora o Grupo de Desenvolvemento Rural Adercou, correspondiente al área de Ourense. O acceso será libre, previa inscrición, ben sexa por e mail: gdr@adercou.com ou no número de teléfono 988 36 01 73 ( horario de maña).

Contenido patrocinado