Os socialistas apostan por reformar o edificio e poñelo a disposición da veciñanza
O PSOE de Nogueira de Ramuín critica que o Concello vai empregar unha subvención de 100.000 euros para derrubar o antigo centro médico da localidade e facer unha praza, no canto de apostar por reformar o edificio e poñelo a disposición da veciñanza.
“O goberno do PP opta por desfacerse dun inmoble municipal a cambio de absolutamente nada, como xa fixeron coas casas de Espartedo, mentres o pobo segue sen ter salón de actos ou espazos onde impartir cursos”, lamenta o voceiro socialista, Óscar Sánchez.