O Concello de Taboadela asinou dous convenios coa Fundación Amigos de Galicia para levar a cabo un "Plan Integral de Loita contra a pobreza e a Exclusión Social". O primeiro destes convenios ten por obxectivo distribuír alimentos e outros produtos básicos a persoas que pertencen a colectivos en situación de vulnerabilidade social, entre os que se encontran mulleres vítimas de violencia de xénero, familias monoparentais, parados de longa duración, menores e anciáns en situación de risco de exclusión social.
Coordinación
O segundo convenio ten por obxecto a colaboración e coordinación cos servizos sociais Concello para atender a diferentes colectivos, prestar "de forma eficaz o servizo e garantir o acceso dos veciños a uns servizos públicos de calidade", di o alcalde, Álvaro Vila.
