O alcalde de Ourense, Agustín Fernández, asinou o pasado venres un decreto mediante o cal delega no concelleiro José Ángel Vázquez Barquero as competencias de Limpeza Viaria.
Esta área de goberno estaba nas mans de Antonio Rodríguez Penín ata que foi desposuído de competencias na crise de goberno do pasado decembro, tras o que pasou a ser xestionada directamente polo rexidor.
Deste xeito o concelleiro, tras esta asignación, asume as seguintes atribucións dentro do goberno da cidade: Facenda, Xestión de Fondos comunitarios, Compras e subministros, Formación Ocupacional, Industria, Termalismo e Limpeza Viaria.
