O escritor e xardineiro Óscar Guzmán estará no Instituto Xermán Ancochea Quevedo da Pobra de Trives falando da súa obra
Guzmán traballa de operario de zonas verdes, pero cada vez se está facendo máis oco no mundo literario.
A súa afición pola lectura venlle desde pequeno, algo que lle axudou a plasmar os seus relatos e creacións nesta primeira obra.
Este mércores 21 de febreiro, ás 16,00 horas, o escritor estará no centro falando do seu primeiro libro, “Os segredos de Teresa”.
A actividade está organizada polo clube de lectura da biblioteca do Xermán Ancochea, chamada “Furgandonoslibros”.
O evento está aberto a todo o público, e nel o escritor e xardineiro, que acaba de gañar o certame de novela de Vilar Ponte do Concello de Viveiro deste ano 2024, levará ao público asistente por unha viaxe ao misterio nas rúas de Ourense.
