Os topónimos do Barco, ao descuberto

Coñeces os topónimos de Galicia? E da provincia? E do Barco? A campaña "Toponimízate", coordinada pola Real Academia Galega en colaboración coa Xunta, chega este luns ao Barco de Valdeorras. Nunha sesión telemática, que tivo lugar este luns, o Portal Toponimia de Galicia xunto a RAG explicarán aos alumnos do IES Lauro Olmo e do IES Martaguisela, así como todos aqueles que se acheguen ao Teatro Lauro Olmo, a orixe e o significado dos distintos nomes de lugar do concello. A maiores ensinarán como funciona a plataforma colaborativa de recollida de microtoponimia Galicia Nomeada.

Según a Real Academia Galega, no Barco xa se recuperaron máis de 200 microtopónimos a través de Galicia Nomeada grazas ao labor de varios colaboradores, como o profesor Xabier Roo e o técnico municipal de cultura Gustavo Docampo. A maiores da explicación da orixe destos, tratarán de atopar algun novo entre os participantes nesta cita.

O profesor da Universidade de Vigo, Gonzalo Navaza, comezará a ponencia explicando a orixe e significado do nome de O Barco de Valdeorras. Un topónimo que conta con varias lendas, como a que fai referencia a unha embarcación que se utilizaba paa cruzar o río Sil. Outra apunta a época dos prerromanos.