Aser Álvarez González, xornalista e cineasta: "A fronteira ten que ser unha oportunidade para noso territorio"

O polifacético xornalista e cineasta banduense Aser Alvarez ultima os preparativos do 15 aniversario dos premios Arraiano Maior que, a primeira fin de semana de agosto, entregaranse en Entrimo a Uxia, ademais do recoñecemento póstumo a Xusto Beramendi e ao colectivo Arraiano do Ano á Fundación Rosalía de Castro.

Contabades chega tan lonxe?

No. Todos os grandes camiños comezan cun pequeno paso. O primeiro ano o que queriamos era distinguir ao ‘xefe’ arraiano por antonomasia que era Xosé Luis Méndez Ferrín e, cada ano, distinguir a un persoeiro que traballara no que nós estabamos facendo, que é desfronteirizar. Unha palabra tan difícil de pronunciar e de facer, tamén. No mundo no que vivimos, o que máis se estila é o contrario. Levantar muros, levantar barreiras, trazar novas fronteiras. Cando nós o que precisamos son fronteiras brandas, é o que defende ese concepto propio que é arraiano, esa relación que ten que haber en territorios como os nosos, porque son unha oportunidade. Do mesmo tempo que a fronteira foi durante anos unha ferida histórica, unha cicatriz, agora, debemos convertela nunha oportunidade.

Nome e apelidos

Aser Álvarez González

Lugar e data de nacemento

Bande, 1976

Profesión

Xornalista e cineasta

Dato

Alma mater dos Premios Arraianos, dos que se conmemora o 15 aniversario

Consolídase A Terrachán a capital dos premios Arraianos?

Si, fomos sempre moi ben acollidos e, aínda que estes premios naceron con carácter itinerante, dende 2017 estamos dando aí o premio porque é un concello arraiano, hospitalario con nós e porque nos parece interesante promover a relación transfronteiriza cun concello co cal xa colaboramos como é Melgaço.

Uxía, Xusto Beramendi e a Fundación Rosalía de Castro serán os nomes propios da xornada

Si. Dende fai anos soara o seu nome e, este ano por fin, tocoulle. Uxía leva décadas traballando para establecer pontes coa cultura lusófona y tratando de que Galicia sexa un nexo de unión entre a cultural lusófona. Será a primeira muller música, cantante e compositora en recibir a “aguillada”. Tamén se realizará un recoñecemento, a título póstumo, a Xusto Garcia Beramendi. Unha figura importante na cultura contemporánea galega. E como colectivo, algo que ás veces nos costa tanto en Galicia, á Fundación Rosalía de Castro, porque están facendo un traballo exemplar ao redor da figura de Rosalía.

Que máis tendes preparado para ese día en Entrimo?

Non faltarán na programación unha andaina e a inauguración da mostra “Prisciliano” de Tono Correa Corredoira. É unha mostra que se estrea en Entrimo e que dará moito que falar. Está dentro da encomenda que nos fixo Ramón Cho de facer un documental sobre a figura histórica de Prisciliano. E tamén temos unha sorpresa preparada, unha homenaxe a Ferrín, 1º premio Arraiano Maior e o noso padriño espiritual.

• “Uxía leva décadas traballando para establecer pontes coa cultura lusófona”
• “Entrimo é un concello arraiano, hospitalario con nós e nos parece interesante promover a relación transfronteiriza con Melgaço”

En que outros proxectos está traballando?

En moitos, coma sempre! (risas). Estamos de xira con “Elías Valiña”para dar a coñecer a figura do gran visionario do Camiño de Santiago, e acabamos de chegar de Francia, dentro dun traballo que estamos desenvolvendo sobre os viaxes de Graham Greene nos anos 70 e 80 a España e Portugal, acompañado dun cura galego amigo seu, natural de Avión. Estamos moi ilusionados, e en fase de desenvolvemento dunha historia moi bonita e interesante. O sábado 10 de agosto, teremos en Lobeira as “IV Xornadas Ararianas de Cine Rural”