Barbadás pide declarar a Galicia como unha nación

O Concello de Barbadás celebrou onte o seu pleno ordinario correspondente ao mes de xullo, no que se aprobou a relación dos festivos locais para o próximo ano. Desta forma, Martes de Entroido e o San Martiño volverán a ser días de festa no municipio. O Martes de Entroido cae a 17 de febreiro, mentres que o San Martiño, 11 de novembro, caerá no 2026 en mércores.

Neste punto da orden do día, segundo informan dende a redes sociais do Concello, incorporouse unha engádega de Ramón Padrón, concelleiro do Partido Galego, para que o Parlamento Galego inicie os trámites para a reforma do Estatuto de Autonomía co obxectivo de declarar a Galicia coma unha nación. Votaron a favor PSdeG, DO, Partido Galego e BNG. Abstivéronse 4 dos 5 concelleiros do PP que asistiron ao pleno, mentres que Manuel Ángel Quintas votou en contra.