Dous novos servizos cada día de bus para achegarse a Ourense desde Carballiño

A Xunta reforzará desde o próximo 10 de abril os servizos de autobús entre Carballiño e Ourense con dúas liñas máis polas tardes, de luns a venres.

A liña Estación de Autobuses do Carballiño-As Lagoas contará cun novo servizo de ida que sairá ás 17,15 horas do Carballiño e outro de volta que regresará ás 17,55 horas

desde Ourense.

Esto incrementará as frecuencias polas tardes entre os meses de setembro a xuño, para atender as necesidades dos cidadáns e dos estudantes que viaxan entre Carballiño e Ourense nestes horarios.

A partir da súa posta en marcha analizarase se existe demanda por parte dos usuarios para mantelos tamén nos meses de verán. De constatarse que hai demanda, esas dúas expedicións poderán estenderse a todo o ano.

Nestes servizos, como en todo o transporte público autonómico, os menores de 21 anos poden viaxar gratis empregando a tarxeta Xente Nova e o resto de usuarios poden beneficiarse dos descontos da tarxeta de mobilidade de Galicia (TMG).