Ecologistas frenan la mina de litio de Beariz

O Tribunal Superior de Xustiza de Galicia notificou a Ecoloxistas en Acción que a empresa Recursos Minerales de Galicia S.L., filial do grupo SAMCA e titular do permiso de investigación “Alberta 1”, vén de desistir do recurso contencioso-administrativo polo que demandara á Xunta logo de que a administración galega resolvera arquivar o seu proxecto de explotación de litio nas Serras do Suído e Seixo, que afectaba aos concellos de Beariz, Forcarei, Avión e Cerdedo-Cotobade.

Non obstante, desde a organización ecoloxista alertan que esta victoria é apenas temporal, xa que a empresa mineira xa está ultimando a documentación doutro proxecto co que iniciará de novo o procedemento para a concesión de explotación. Advirten que estarán atentos para evitar os atropelos do anterior trámite, no que se lles impediu o personamento aos distintos colectivos ecoloxistas. Isto propiciou que a organización ecoloxista denunciara directamente aos cargos responsables polo penal.

“Desta volta realizáronse as advertencias oportunas, pero a continuidade na obstaculización da participación pública levará a accións xudiciais contra as propias funcionarias”, avisan desde Ecoloxistas en Acción.