A música de Star Wars, da man da Xove Orquestra Ourensanía

O evento “Star Wars Symphony”, que será con entrada gratuíta, foi presentado no Concello polo concelleiro de Cultura, Diego Fernández, e o director da Orquestra, José Luis Tielas, tendrá lugar no Auditorio de Carballiño.

Serán 62 alumnos dos conservatorios de música da provincia, entre eles un do Carballiño, os que mediante instrumentos de vento, corda e percusión, interpreten os temas máis coñecidos das míticas películas.

O edil de Cultura destacou que a Xove Orquestra Ourensanía é “un estímulo para os músicos novos” e que con este espectáculo “achégase á música sinfónica a todos os públicos, xa que son moitos os seguidores desta saga cinematográfica”.

Tielas subliñou que este proxecto “permite aos músicos novos poder traballar na súa profesión sen ter que saír da provincia”.

Respecto ao concerto, adiantou que no repertorio non faltarán o tema principal de Star Wars ou a Marcha Imperial. A música estará acompañada “dunha posta en escea impactante, con ambientación de luces e imaxes das personaxes ás que se adica cada tema”, destacou o director.