Voces de todas as idades unidas no II Nadal Coral de O Carballiño

Este domingo 22 de decembro ás 19,00 horas celebraráse no Templo da Veracruz o II Festival Nadal Coral, que unirá a 180 voces de coros infantís, xuvenís e de adultos do Carballiño e Ourense, e que como novidade terá outra actuación o día 23 na Igrexa ourensana de Santa Eufemia.

O evento terá carácter interxeracional, coa participación dos coros infantís Cantiga, EnHarmonía, CPR Vila do Arenteiro, CPI Terras de Maside, e do colexio La Purísima, xunto ao Orfeón do Carballiño e a Coral Gaudeamus de Ourense.

O concelleiro de Cultura, Diego Fernández, o director do Orfeón e das corais infantís do Carballiño, Christian Casas, e a directora do coro Cantiga e a Coral Gaudeamus, Cristina Rodríguez, presentaron onte o evento, destacando a importancia de apostar pola canteira no canto coral.

Cristina Rodríguez animou a veciñanza a participar “para que o público comparta con nós un momento de interpretación de panxoliñas, porque é unha fermosa tradición que se está perdendo”.