O mercado de Nadal de Celanova, estímulo para o consumo local

PRAZA DE ABASTOSA

Gabriel Alén salientou en Celanova a capacidade do mercado de Nadal de Celanova para dinamizar o comercio local e as compras nestas datas

Antonio Puga, José Luís Ferro e Gabriel Alén, durante a visita ao mercado de Nadal de Celanova. | La Región

O mercado de Nadal que organiza a Asociación de comerciantes, hostaleiros, empresarios e asociados de Celanova (CHEA), unha iniciativa que se está a celebrar tódalas fins de semana deste mes e que se repetirá tamén na primeira de xaneiro co gallo de incentivar o consumo local nestas datas, recibiu onte a visita de Gabriel Alén, director xeral de Comercio e Consumo.

O responsable felicitou a asociación non só por implicar os distintos negocios no mercado senón tamén por elixir a Praza de Abastos para situalo, coa conseguinte “dinamización a maiores dos seus distintos postos”. Así, o director xeral salientou o valor deste tipo de eventos para impulsar as “vendas de proximidade”,

Alén salientou tamén que ao abeiro deste mercado se realice unha ampla programación de actividades para tódolos públicos, co obxecto de reforzar o seu atractivo para a clientela. No caso desta fin de semana, por exemplo, ademais de pinchos e música haberá un desfile solidario, cine e un obradoiro para elaborar coroas de Nadal.