Homenaxe ás familias dos fusilados no 1939

O Comité pola Memoria Histórica da comarca de Celanova organizará o 4 de xuño unha homenaxe ás familias dos asturianos fusilados no cemiterio de Celanova en 1939. No acto colabora o Concello de Celanova e consistirá nunha recepción ás familias de Marcelino Fernández e Abelardo Suárez, dous das sete vítimas, ás 12,00 horas na Casa Consistorial, coa participación do Comité e da Corporación. Ás 17,00 horas, os actos serán no salón de actos do Instituto Celso Emilio Ferreiro coa presentación do ensaio “A porta do inferno. O Campo de concentración de Camposancos”, polos seus autores, José Antonio Uris, e a conferencia “As exhumacións de fosas en Galiza” a cargo do médico forense Fernando Serrulla e o arqueólogo Fran Alonso.

Precisamente Serrulla viaxou este ano a Xixón para obter as probas de ADN de Josefa, filla de Marcelino Fernández, e das netas de Abelardo Suárez. O Comité destaca a participación do Concello e a recepción, “o primeiro recoñecemento oficial ás vítimas da fosa”, e agradecían ao Instituto a cesión do salón de actos, “un espazo que en 1939 era ‘La Leona’, onde traían aos condenados a morte”, lembraban.