O 96% dos expositores volverían á Feira de Nadal de Verín

COMERCIO DE PROXIMIDADE

Os establecementos puntuaron ademais varios dos aspectos da organización da feira con notas sobresaíntes

O concelleiro Manuel Lourenzo e a premiada coa cesta de Nadal Pilar Núñez.

O Concello de Verín pechou unha nova edición da súa Feira de Nadal e realizou un balance “excelente” da de 2024, en base aos resultados das enquisas que realizou entre os expositores participantes, e segundo as cales o 96% dos mesmos (30 de 31) amosaron o seu interese en participar na Feira de Nadal 2025. Ademais un 80% afirmou querer participar na Feira do Lázaro do vindeiro ano.

Algúns dos factores polos que preguntaron, tales como a localización, a limpeza e a organización xeral, acadaron valoracións sobresaíntes.

O concelleiro de Transporte, Feiras e Hostalería, Manuel Lourenzo, destacou que “os datos reflicten que seguimos nunha mellora continua. É especialmente satisfactorio ver un aumento tan significativo nas vendas”.

Mellor stand

O concelleiro Manuel Lourenzo, xunto coas premiadas ao mellor expositor.

O último día da Feira tamén se fixo entrega do premio ao mellor expositor, que recaeu en “La luna de los sueños”, de Yolanda Hernández Marco e Beatriz Cándido Carrasco.

Contenido patrocinado