Aberta a inscrición para postos na Festa da Cervexa de Verín

Este evento celebrarase por cuarto ano consecutivo, nunha carpa no parque da Preguiza, os vindeiros 11 e 12 de outubro.Con este fin, fixéronse públicas as bases de participación, así como o formulario de inscrición, para as marcas cervexeiras e postos de alimentación interesados en acudir a esta cita, que se pode descargar a través da sede electrónico do Concello. A data límite é o 30 de setembro.

Nas mesmas convídase á participación de distribuidores “nacionais e internacionais de cervexas”, pero tamén do sector da alimentación e da restauración, incluídos foodtrucks “con propostas axeitadas a este tipo de feira sectorial (salchichas, codillo, chucrut...), ademais das propostas gastronómicas locais de produtos da terra que poidan acompañar (polbo, empanada, churrasco, hamburguesas, vegana e similares)”.

Música e gastronomía

A IV Festa de Cervexa de Verín contará, ademais de cunha variada oferta gastronómica para acompañar a degustación de cervexas nacionais e de importación, cunha oferta de eventos musicais aínda por desvelar.

En canto os horarios de apertura, o venres 11 de outubro o recinto feiral estará aberto de 18,00 a 2,00 horas, mentres que o sábado 12 haberá dúas quendas. Á mañá abrirá as súas portas de 12,00 a 16,00 horas, e máis tarde volverá reabrir por segundo e último día entre as 19,00 e as 2,00 horas.