Centos de persoas desfrutan coa gran troula de Entroido de Albarellos

Un ano máis, e van seis, Albarellos vestiuse onte de gala para celebrar o seu xa tradicional “Pre-entroido”. Unha tarde-noite de celebración nesta parroquia da vila de Monterrei na que participaron varios centenares de persoas disfrazadas, unha antesala perfecta ao vindeiro mes de troula e que amosou o compromiso do tecido asociativo e social local.

Puntuais á cita, a veciñanza de Albarellos, así como doutros núcleos do concello e tamén de Verín, non se quixeron perder o desfile no que os “choqueiros” e os bombos do Trebón do Mildeu foron protagonistas, nun percorrido polas bares e rúas dende a praza Ángel Medeiros, centro neurálxico da festa.

No mesmo lugar celebrouse unha gran cea popular a base de porco ao espeto, que deu paso á agardada actuación musical dos Festicultores Troupe. De madrugada, DJ Moncho mantivo o ritmo para os máis entroideiros.