O comercio verinés repite gala de Nadal e abrirá o 5 de xaneiro

A Gala de Nadal volve un ano máis, ofrecendo aos verineses un espectáculo nas vacacións, e que se unirá á apertura de boa parte do comercio local o domingo 5 de xaneiro, antes de Reis.

Estas iniciativas únense á campaña, xa en marcha, “Os 6.000 de Verín”, que reparte 6.000 euros mediante 19 cheques ata o vindeiro 26 de decembro.

Só por comprar nos establecementos asociados a Aever-CCU farase entrega unha entrada aos clientes para acceder á Gala de Nadal, que terá lugar o mércores 2 de xaneiro, ás 17,30 horas, no pabillón de deportes.

Este evento para toda a familia estará conducido pola televisiva Isabel Risco, actriz galega coñecida pola súa presenza en programas como Land Rober.

A velada contará coas actuacións do Mago Teto, co espectáculo de acrobacias aéreas de Sue Moreno e co Cé Orquestra Panorama, un músico que toca á vez varios instrumentos. E pensando nos máis pequenos da casa, o Ratiño Pérez fará asimesmo acto de presenza.

Abrirán antes de reis

A meirande parte dos comercios de Verín abrirá o domingo 5 de xaneiro, na véspera do Día de Reis. Entre tódalas compras efectuadas ese día, sortearanse catro cheques asagallo de 50 euros para mercar no comercio local, para o que bastará con enviar os datos persoais e unha foto do tícket de compra a través do formulario na web de Aever ou dun código QR.

Todas estas iniciativas de Aever contan co cofinanciamento da Xunta.