O Concello de Verín oferta prazas laborais para este verán

BOLSA DE EMPREGO

O Concello de Verín anunciou a apertura dun procedemento selectivo para cubrir varias prazas dispoñibles: monitores deportivos, socorristas e monitor socorrista.

O prazo de presentación de instancias comezou o luns e remata o vindeiro xoves, 13 de xuño. Os interesados deberán esta en posesión do carné de socorrista. A praza ofertada de monitor socorrista é unha substitución por incapacidade temporal, e require ter o carnet de socorrista homologado e un ciclo medio ou superior.

Toda a documentación requerida para participar neste proceso, así como os anexos e as bases do mesmo, están dispoñibles telematicamente na sede eletrónica, e en formato físico no taboleiro de anuncios do Concello.

No proceso de selección se aplicarán as bases xerais de contratación para o persoal laboral temporal, así como as respectivas bases específicas.