Cualedro une micoloxía e patrimonio nunha andaina

O Concello de Cualedro prepárase este vindeiro sábado, 23 de novembro, a partir das 10,00 horas, para unha actividade de balde que combina a arqueoloxía, cunha visita guiada ao Castro de San Millao, e máis un paseo micolóxico.

Máis coñecido como Castro de A Cidá de San Millao, os asistentes poderán descubrir da mans de profesionais os traballos arqueolóxicos executados ata o de agora, pero tamén os que están previstos nesta imponente aldea fortificada datada entre os séculos I a.C. e II d.C.

Posteriormente terá lugar unha andaina micolóxica na que será posible coñecer o mundo dos cogomelos da man dun especialista, e que inclúe unha degustación.

Inscricións

Para participar cómpre inscribirse chamando ao Concello no número 988 424 004. Esta actividade está promovida polo Concello de Cualedro, o GDR Monteval, a Agader, o Feader e o Ministerio de Agricultura, Pesca y Alimentación.