Exdeputados verineses contestan as inquedanzas políticas do alumnado

O estudantado de 3º de ESO do IES Castro de Baronceli de Verín vén de recibir a visita de tres exdeputados verineses no Parlamento galego, todos verineses: o popular Cástor Gago Álvarez, exconselleiro do Medio Rural, o socialista Juan Carlos Francisco Rivera, exsenador, e o nacionalista Diego Lourenzo Moura, actual tenente de alcalde do Concello de Verín.

A actividade, organizada pola Asociación de Exparlamentarios/as, consistiu nunha charla-coloquio co alumnado na que, tralo visionado dun vídeo sobre o edificio do Parlamento e das súas funcións, os trex exdeputados transmitiron á rapazada as súas vivencias no Hórreo.

Ademais os políticos verineses quixeron dar os seus consellos sobre democracia, respecto e tolerancia aos máis novos. No turno de preguntas, estes interesáronse fundamentalmente por dúas cuestións: o soldo dos cargos públicos e a corrupción na política.