Laza sairá en busca do maio no primeiro día do Santo Cristo

Os presentes irán na noite a buscar o “maio”, un piñeiro de grandes dimensións, sobre ás 23,00 horas. Os interesados veranse na praza da Picota e, acompañados pola música do grupo “Os Chimpafigos”, achegaranse á zona do Regueiro Seco.

O transporte de volta da árbore será nun carro tradicional. O sábado erguerase o maio no seu emprazamento na praza da Picota da vila lazá.

A festa do Santo Cristo ten orixe nos antigos ritos paganos que rendían culto á primavera, e que despois foron cristianizados.