A Mancomunidade oferta cursos en Castrelo do Val

O Concello de Castrelo do Val anunciou a celebración de dous obradoiros dirixidos a mulleres en colaboración co Centro de Información á Muller (CIM), que depende da Mancomunidade de Municipios da Comarca de Verín.

O primeiro deles tratáse dun obradoiro de coidados naturais que se desenvolverá os días 5 e 12 de setembro, en horario de 17,00 a 20,00 horas.

Por outra banda, ao mes seguinte haberá un obradoiro de elaboración de conservas vexetais, concretamente os días 16, 17 e 18 de outubro ás 17,00 horas.

Ámbalas dúas actividades están organizadas polo CIM de Verín no marco do Pacto de Estado contra a Violencia de Xénero 2024, unha iniciativa que nace do Ministerio de Igualdad.

Os talleres teñen como obxectivos principais o aproveitamento dos recursos existentes, reducir o estrés, aumentar o coñecemento da contorna e mellorar a motricidade e a creatividade.

Inscrición

Os dous obradoiros terán lugar na nave do Concello, e para inscribirse cómpre chamar ao teléfono 988 419 002.