Os nenos de Castrelo do Val abren o desfile do Entroido

O CEIP de Castrelo do Val deseñou o cartaz oficial que representará o vindeiro "Desfile Infantil" do Entroido

2018, que percorre durante a mañá do Xoves de Comadres as rúas e prazas de Verín.

Nesta ocasión, do mesmo xeito que na anterior edición, os representantes dos centros educativos que participan no desfile decidiron, por unanimidade, que o deseño debía ser realizado polo colexio responsable da apertura do desfile, nesta ocasión, o CEIP de Castrelo do Val.

Tras elaborar este centro tres carteis, representantes das Garderías Pinocho e a Asociación Tres Reinos de A Gudiña; os CEIPs Rodolfo Núñez de Vilardevós, Princesa de España, Augusto Assia de A Mezquita, Colexio Rural Agrupado Monterrei, Colexio María Inmaculada, Amaro Refojo, e o IES García Barbón seleccionaron mediante votación o cartaz oficial do "Desfile Infantil" 2018.

400 euros en material

O centro educativo recibirá un vale de 400 euros para material escolar e deportivo, a adquirir en establecementos do Concello de Verín.

Os rapaces de Castrelo substitúen así ós de Vilardevós, que foron os elexidos para encabezar a marcha dos cativos do xoves de comadres no 2017, onde máis de 800 escolares participarán nunha das citas ineludibles do Entroido verinense.