Os últimos achados do Castelo de Lobarzán, ao descuberto

Numerosos veciños de Monterrei e Oímbra, así como doutras localidades da comarca, asistiron este sábado a dúas palestras informativas sobre a terceira campaña de intervencións no conxunto arqueolóxico da Ceada das Chás-Castelo de Lobarzán.

As charlas nos locais sociais das Chás e de Vilaza estiveron impartidas polo arqueólogo e profesor da UVigo Víctor Muñiz, director da actuación levada a cabo por Breogán Arqueoloxía, nunha iniciativa financiada pola dirección xeral de Patrimonio Cultural da Xunta.

Muñiz centrouse nas explicacións fundamentalmente nos tres elementos sobre o que o equipo de arqueólogos traballou ao longo de dúas semanas o pasado mes: as portas de acceso á fortificación, a fonte e un novo muro localizado no recinto.

Pola tarde tivo lugar unha concurrida visita guiada ao xacemento, e na que os asistentes coñeceron sobre o terreo os avances desta terceira campaña.

“Patrimonio propio”

En opinión de Muñiz, tras cada campaña arqueolóxica resulta “imprecindible” dar a coñecer o achado entre a veciñanza local. As palestras e visitas guiadas serven deste xeito para “concienciar sobre a protección e conservación do achado, e que a xente o sinta como patrimonio propio”.