Vilaza celebra a súa XIII Carretada do Viño

Este evento congrega a centenares de veciños organizados en cuadrillas, e que percorren o pobo en improvisados tractores e vehículos.

O roteiro estará amenizado pola charanga Fuego, e sairá dende a Alameda de Vilaza. Haberá á venda packs para adultos que inclúen unha cunca, unha pañoleta e un vale para degustar unha paella.

Á noite, a partir das 00,30 horas, a verbena estará acompañada pola discomóbil A Gramola.

Viño de Monterrei

A Carretada do Viño conta con viño das adegas da DO Monterrei participantes, mentres que a organización corre a cargo da asociación de veciños San Salvavor Vilaza, co apoio do Concello de Monterrei e a Deputación de Ourense a través do Inorde e do Padroado Provincial de Turismo.