Asunción Maus: “Os profesores non son sanitarios, cada un ten o seu ámbito de acción"
ENTREVISTA
A vicesecretaria provincial de Satse, Asunción Maus, defende o papel da Enfermería nos centros educativos
A volta ás aulas trala irrupción do covid-19 volve a poñer sobre a mesa a vella demanda da enfermeira de centros educativos. Pais e colexios reclaman a necesidade de contar cun sanitario nas aulas, unha demanda que o propio sector leva anos reclamando. Asunción Maus, vicesecretaria provincial de Satse, defende o papel da Enfermería nos centros: "Nós temos o coñecemento necesario, os profesores, non".
A demanda recuperou forza...
É que do mesmo xeito que ninguén pon en dúbida o papel da profesora no hospital, non se debería facer no caso da enfermera nun colexio.Cada un ten o seu ámbito, os profesores non son sanitarios.
É unha petición histórica.
Levanos anos reivindicando a figura da enfermeira en Educación, tanto dende a plataforma estatal como dende os colexios de Enfermería, así como dende fóra do ámbito meramente sanitario. Anpas e sindicatos de profesores tamén o teñen demandado.
Que papel levaría a cabo unha enfermeira nun colexio?
Vai máis alá da enfermeira que vai facer unha cura no xeonllo despois dunha caída. A enfermeira encargaríase de fomentar hábitos de vida saudables, de tratar a educación sexual, de manter controlados aqueles rapaces diabéticos, celíacos... Estas enfermidades esixen un certo coñecemento das patoloxías que un profesor non ten. Hai estudos que confirman que a inclusión desta figura tería consecuencias económicas, xa que habería menor absentismo dos pais nos seus postos de traballo, os fillos terían mellores coidados.
No novo curso, cada colexio estará vinculado a un centro sanitario.
Os centros de saúde están nestes momentos recargados de traballo, e apenas teñen atención física. Nos hospitais normalizouse a actividade, pero nos centros de saúde mantense telemática porque así é máis fácil, pódese atender a máis xente. Pero repercute na asistencia sanitaria, claro.
Cre que a volta ás aulas é segura?
Non hai normas claras, non se sabe que vai pasar, a Xunta está pedíndolle ao Goberno solucións, pero querían competencias... Viase vir que en agosto ían crecer os casos, temos sorte de que hai poucos pacientes ingresados e que o hospital vai respirando. Pero volverá pasar o mesmo, e falta persoal especializado para atender a UCI.
Contenido patrocinado
También te puede interesar
SEGUNDO FIN DE SEMANA
Galería | Ourense prolonga os magostos, en fotos
PREMIO OURENSANÍA 2026
La Coral De Ruada recibe el Premio Ourensanía 2026 por unanimidad
CENSO ELECCIONES GENERALES
Galicia aporta 2,7 de los 38,7 millones de electores totales de España
Lo último
DELITO CONTRA EL MEDIO AMBIENTE
Condenados a seis meses de cárcel los responsables de la cantera sin autorización en Casaio