O BNG propón un aproveitamento responsábel dos recursos naturais de Ourense

A explotación dos recursos naturais e minerais da provincia centrará a moción que o BNG defenderá no próximo pleno da Deputación. Nunha comparecencia que contou coa presenza de todo o grupo provincial, e onde volveron a amosar a súa discrepancia co modelo orzamentario da Deputación, o portavoz Bernardo Varela advertiu que “non imos permitir que Ourense se convirta nun territorio de sacrificio para o beneficio das grandes empresas foráneas mentres as nosas comarcas sofren as consecuencias ambientais e sociais”.

O texto inclúe tres puntos clave como son esixir á Xunta e ao Estado que a declaración de proxectos estratéxicos veña acompañada de medidas que impulsen a economía local; promover unha estratexia de desenvolvemento mineiro sostible, que inclúa o control público das materias primas e a participación pública obrigatoria (20% nos proxectos extractivos); e tamén garantir o máximo respecto ambiental.