Carballo-Calero recibe o premio da Cultura Galega de Artes Visuais

A catedrática emérita de Historia da Arte Contemporánea do Campus de Ourense da UVigo, María Vitoria Carballo-Calero, nacida en Ferrol pero que leva vinculada a Ourense boa parte da súa traxectoria, foi recoñecida onte co Premio da Cultura Galega 2022 na categoría de Artes Visuais. Con este premio, a Xunta recoñece a traxectoria de Carballo-Calero, que xa foi recoñecida noutras ocasións; a última, o premio Trasalba en 2021.

Ademais, tamén foron distinguidos con estes galardóns da Cultura Galega Marica Campo (na categoría de Letras); Melania Cruz (en Artes Escénicas); os Cursos Universitarios Internacionais Música en Compostela (en Música); Xosé Ramón Gayoso (Audiovisual); Manuel González (Lingua); Xacarandaina (Patrimonio Cultural) e Programa ConCiencia (Proxección Exterior).