Comida, entroido e historia toman toda a provincia de Ourense

A provincia de Ourense está sendo unha continua festa durante o verán. No mes de agosto, todas as comarcas da provincia teñen os seus propios festexos, honrando as súas respectivas virxes e os seus productos gastronómicos locais. E nesta ponte, a actividade festiva vai a máis.

Os veciños de Cortiñas, no municipio de Castrelo de Miño, comezaron onte festividade relixiosa da Virxe da Asunción e San Roque, e fixérono coa a vixésima edición da Festa da Codorniz. Foron centos os ourensáns que acudir a degustar as exquisitas codornices preparadas na “braseira”, como xa é costume. A festa segue durante estes días na localidade.

A moi poucos quilómetros de alí comezou a festa na honra da Virxe da Asunción e San Roque, na parroquia de Macendo, tamén no concello de Castrelo de Miño, coa XV Cea do Xarrete e Xarrote. Como é habitual, o campo da festa da parroquia acolleu na noite de onte a tradicional cea, que marcou o punto de partida dos festexos na honra da Virxe da Asunción. O xarrete, unha das partes máis saborosas da tenreira, puido ser saboreada nas súas dúas alternativas de preparación (cocida ou asada), acompañada de pan e viños do Ribeiro. O programa de festexos continúa hoxe. .

Do ribeiro a entrimo e o bolo

Mentras tanto, na Baixa Limia os veciños de Entrimo comezaron este mércores coa honra a Santa María A Real durante tres días. E como xa empeza a ser habitual, fixérono co seu propio entroido de verán, o “Entrifaz”, que cumpriu a súa sétima edición. O desfile polas rías da localidad fixo as delicias do público. Comparsas e moitos disfraces, acompañados das charangas BCB e Támega, alongaron a festa oficial ata medianoite. Logo, comezou a verbena. Hoxe amence cedo, ás nove da mañá co desfile e a música da Banda de Lobios.

Tamén onte foi día de festa por todo o alto no Bolo, onde celebraron a segunda edición da Feira Irmandiña, na que conmemoraron o asalto ao castelo no século XV polos Irmandiños. Veciños e visitantes impoicáronse para recrear a vila de entón e pór en valor castelo, museo, patrimonio, artesanía e gastronomía do municipio.

E a festa non para. Ata o domingo, todos os recunchos da provincia seguen coa troula, que chegará a fin de semana ao seu momento de máxima intensidade.

Feira Irmandiña no Bolo

No Bolo regresaron ao pasado coa primeira Feira Irmandiña. Aproveitando a ponte festiva foron moitos os visitantes ao castelo da localidade, onde houbo tamén unha representación teatral.

Codornices a esgalla

En Cortiñas (Castrelo de Miño) arrincaron os días de festa cunhas riquísimas codornices feitas na “braseira”.

O xarrete, prato estrela

Macendo, en Castrelo de Miño, arrancou as festas da Asunción e San Roque coa Cea do Xarrete e Xarrote.

Entroido estival multitudinario en Entrimo

Entrimou comezou onte as festas patronais coa celebración do “Entrifaz”, o entroido de verán, que empeza a ser xa tradición na localidade da Baixa Limia.

Os veciños puxeron os seus mellores disfraces e bailaron ao son das charangas BCB e Támega ata a medianoite. Logo empezou a verbena coa discomóbil Euphoria.