El concello ourensano de Boborás rememorará a "Batalla contra Napoleón"

Máis dun cento de veciños de Boborás e participantes procedentes de localidades de toda España recrearán esta fin de semana un dos acontecementos máis singulares da historia da provincia: A Batalla de 1809, que enfrontou aos galegos liderados polo capitán Cachamuíña contra as tropas francesas de Napoleón.

A Deputación e o Concello de Boborás colaboran con esta festa histórica, organizada pola Asociación Cultural A Batalla 1809, e na que os veciños de Boborás convidan aos visitantes a unha viaxe

no tempo para coñecer durante dous días -sábado 13 e domingo 14 de xullo- en Pazos de Arenteiro, os costumes, a gastronomía e o modo de vida daquela época, nunha ampla programación que culminará ás 13,30 horas do domingo coa batalla na ponte.

O vicepresidente segundo, César Fernández, participou na presentación xunto á alcaldesa, Patricia Torres, e a representante da organización, Elvira Santiago Fernández definiu 1809 A Batalla como “un evento xa fundamental no calendario da provincia”, e Patricia Torres incidiu en convidar á xente porque “é unha festa totalmente diferente as outras, onde nos despertamos tal cual en 1809 e vivimos cada acontemento como se estivese ocurrindo de verdade, o que fai que o realismo sexa incrible, sumado a presencia de disparos”.