Convocado o premio de oratoria Otero Pedrayo

A Asociación de Amigos de Otero Pedrayo, en colaboración coa Secretaría Xeral de Lingua e a cooperativa agroalimentaria Coren, vén de convocar o III Premio de oratoria en formato podcast “Ramón Otero Pedrayo”, dirixido ao alumnado galego entre 15 e 25 anos. O galardón, creado coa idea que a figura de Ramón Otero Pedrayo non sexa esquecida polas novas xeracións, está dotado con tres mil euros, repartidos en tres categorías.

Premios

• Primeiro premio: Ordenador portátil + 500 € en produtos Coren
• Segundo premio: 500 € en produtos Coren
• Terceiro premio: 200 € en produtos Coren

Temática

• Os podcast deberán tratar sobre temas ligados ao universo oteriano.

Formato e envío

• Os traballos poden presentarse en formato podcast ou vídeo.
• Deben enviarse ao correo electrónico da asociación:
• amigos.de.otero.pedrayo@gmail.com
• Prazo de presentación: Ata o 25 de xullo

Xurado e difusión

• Composto por cinco persoas expertas en comunicación e cultura.
• Seleccionarán os mellores traballos e difundirán os gañadores.
• As mellores pezas non premiadas poderán ser publicadas en acceso aberto na páxina web e redes sociais da entidade.

Resolución e entrega de premios

• Os premios resolveranse nos meses do verán.
• A entrega de galardóns terá lugar en Trasalba (Concello de Amoeiro) antes de finais de 2025.