Unha felicitación polo Día de Galicia dende o outro lado do Atlántico

O ourensán e presidente da Asociación de Empresarios Galegos do Estado de São Paulo en Brasil, Felipe Pousada, aproveita para celebrar dende o outro lado do océano Atlántico o Día de Galicia. Esta data resulta moi significativa para el, xa que as súas raíces familiares están en Riós, lugar que significa moito para el.

"Desde a Galicia exterior nós tamén temos a responsabilidade de fomentar e axudar no desenvolvemento da terra", comeza dicindo Pousada, en compañía de mulleres membro da AEGASP. Brasil é o segundo país con maior poboación galega no estranxeiro, á que acollen con orgullo. "Sempre estivo coas portas abertas a todos aqueles que veñen de Galicia para facer negocios nesta terra. Especialmente a Ourense", continuaba.

Dende São Paulo, Felipe invita a todas as persoas galegas con ganas de emprender e de iniciar un negocio no Brasil que se acheguen ata a Asociación de Empresarios Galegos do Estado de São Paulo, xa que como ben asegura, "estamos cos brazos abertos para axudarvos a todos". E remataba a súa mensaxe de felicitación e posta á disposición para todos os galegos cun "feliz Día de Galicia, feliz 35 de xullo".