O Goberno andaluz, abraiado co Centro Eduardo Barreiros de Ourense

O conselleiro de Cultura, Educación, FP e Universidades, Román Rodríguez, recibiu a visita da consejera de Desarrollo Educativo y FP da Junta de Andalucía, Patricia del Pozo. Acudiron xuntos ó Centro Galego de Innovación da FP Eduardo Barreiros. Según trasladaron fontes do Executivo autonómico, o Goberno andaluz viaxou a Ourense “para coñecer as políticas educativas en xeral”. Tamén acudiron ó Centro de Innovación Educativa e Dixital, na Cidade da Cultura.

Na visita, tal e como afirman dende a Consellería, “os dous conselleiros coincidiron na necesidade de seguir impulsando o avance das ensinanzas de FP”. Segundo din, “téñense consolidado nos últimos anos como un referente de calidade, innovación e empregabilidade”, e ademais, “xeran unha enorme confianza nos sectores produtivos”. En todo caso, fixeron un chamamamento ó Goberno central “para que dea pulo ao desenvolvemento normativo da nova lei de FP”.

No Eduardo Barreiros, Rodríguez e Del Pozo coñeceron os diferentes proxectos en desenvolvemento. Por exemplo, arredor da economía circular do ciclo da auga, da enogastronomía, do fornecemento do vehículo eléctrico, de fomento de robots de utilidade medioambiental e de realidade estendida aplicada á FP, entre outros.