MARGA MONDELO: 'Vai haber bos pintores en Ourense porque hai nenos moi adiantados'

Que é “La huella de Marga'?

Con esta exposición fago un repaso pola miña traxectoria. É a segunda vez que chego a Santiago, porque sempre me encantou esta cidade. Considéroa moi cultural e interesante para expoñer. Os cadros que presento son unha selección de distintas etapas da miña pintura. Nesta mostra busco deixar huella do meu estado de ánimo e de aí vén o nome.

Cal é a base da súa pintura? Sempre me setín moi atraída pola anatomía feminina. Neste sentido, gústame pintar tanta a perfección como a imperfección, por iso agora considero que non teño un estilo moi definido. Os meus cadros varn dende o expresionismo ata o impresionismo.

É unha exposición cunha base autobiográfica? Trátase dunha mostra que fala por si mesma e céntrase no estado de ánimo que teña ó pintar o cadro. Só estando fronte a un lenzo son capaz de expresar toda a enerxía contida.

Un pintor autodidacta ten que practicar moito e, a base de probar, acaba aprendendo. Hai alumnos incluso de Belas Artes que non son capaces de deixar voar a imaxinación e vólvense simples copistas.

Hai canteira en Ourense? Eu véxoa. Vexo nenos que están bastante adiantados no debuxo e na pintura e creo que algún día poderían chegar a algo. Vai haber bos pintores en Ourense.