A Peroxa reclama axuda á Xunta para crear máis vivenda protexida

A vicepresidenta segunda e conselleira de Medio Ambiente, Territorio e Vivenda, Ángeles Vázquez, reuniuse recentemente co alcalde da Peroxa, Manuel Seoane, para avaliar cuestións en materia de vivenda.

Durante o encontro, o rexedor trasladoulle á conselleira a necesidade de ampliar o parque de vivendas protexidas da localidade. Así, a vicepresidenta segunda recomedoulle a posibilidade de dispor ou adquirir algún inmoble susceptible de destinarse a uso residencial, xa que podería obter financiamento ao abeiro do Fondo de cooperación para o apoio á financiación de actuacións de rehabilitación e conservación do patrimonio construído en concellos de menos de 50.000 habitantes.