O PP reclaman un plan de saúde mental en Ourense

O PP reiterou onte ao goberno local a urxencia e a necesidade de adoptar medidas para previr e paliar os problemas de saúde mental en Ourense. Unha petición na que os populares insisten tras coñecer que os casos de depresión continúan cunha tendencia á alza e que seguen sendo a segunda causa das hospitalizacións na unidade de agudos do CHUO.

No mes de decembro o grupo municipal levara a pleno unha moción na que pedía a creación dun Plan Municipal de Saúde que, entre outras cousas, axudase a paliar o incremento de ingresos no servizo de psiquiatría, sendo unha das causas a depresión, e xa alertaba tamén do notable aumento de casos en perfís de poboación nova. “Lamentablemente a concelleira encargada da área de sanidade respondeu que non é unha competencia local e que antes hai que afrontar outros desafíos como a mellora das instalacións dos cemiterios”, lembra a edil Inma Moreiras.

O PP recorda que o goberno local “non pode poñer unha venda” e pode actuar pondo en funcionamento protocolos de prevención e actuación, tanto no ámbito sanitario como no educativo. “De feito, concellos como os da Coruña, Murcia ou Alicante contan cun Plan específico de Saúde Mental”, engaden.