A provincia de Ourense sae á rúa para darlle pulo á nosa lingua

A provincia reivindicou onte a defensa e orgullo da lingua galega, así como a figura de Luísa Villalta, autora homenaxeada este ano.

A festa extendeuse por tódolos recunchos da xeografía provincial con diversos actos culturais.

As Macizas Centrais animaron a mañá en Trives.

A Mezquita conmemorou o 17 de maio cun acto na Praza do Concello no que participaron os veciños do lugar e alumnos do CEIP Augusto Assia.

Os alumnos da Mezquita congregáronse fronte á casa consistorial para a lectura de textos.

A Agrupación Abertal da Rúa celebrou unha homenaxe a Luísa Villalta que tivo que trasladar ao Centro Cultural Avenida por mor da chuvia.

Homenaxe a Luísa Villalta na Rúa que se trasladou ao Centro Cultural Avenida por mor da chuvia.

No Barco, as Letras Galegas celebráronse a golpe de maxia coa actuación do mago Martín Camiña “Con V de violín”, espectáculo que tivo que ser trasladado ao pabellón vello.

Actuación do mago Martín Camiña “Con V de violín” no Barco de Valdeorras, no pavillón vello.

O grupo de Macizas Centrais puxo a súa música na Pobra de Trives. Ás 12,00 horas comezou a súa rolda por locais e prazas da vila.

En Xinzo de Limia tivo lugar a entrega dos premios aos concursos de debuxo e ilustración organizados pola Fundación Carlos Casares e o Concello de Xinzo de Limia na súa sexta edición.

Por mor da chuvia, os actos en Xinzo tiveron lugar na Casa da Cultura.

En Monterrei, o Concello de Verín programou na praza García Barbón unha actuación do grupo de danza contemporánea “Elahood”, que interpretou o seu espectáculo “Intempestiva”, inspirado na obra de Xela Arias.

Contenido patrocinado