A provincia terá un plan da economía dos coidados

Luis Menor propúxolle ás entidades do terceiro sector o deseño conxunto dun plan provincial da economía dos coidados para o ano 2026. O presidente provincial mantivo una reunión con representantes de medio cento de asociacións sen ánimo de lucro, onde lles avanzou que no segundo semestre deste ano articularanse reunións técnicas para avanzar na planificación deste plan.

O máximo representante da Deputación agradeceulles, en nome da provincia, “a incansable preocupación polo benestar de quen máis o precisa”.

A deputada de Política Social, Patricia Torres, pola súa banda, puxo en valor “a boa comunicación entre as entidades e a administración provincial”, resaltando “o excelente equipo” co que conta a Área de Benestar. Precisamente, o director da Área de Benestar, José Juan Cerdeira, avanzou a incorporación experimental de María, a primeira asistente por Intelixencia Artificial para respostar dúbidas sobre as novas convocatoria de axudas para entidades sociais que foron aprobadas en xunta de goberno esta mesma semana.

Menor avanzou que no segundo semestre deste ano iniciarase un proceso de reunións técnicas de traballo con todas as entidades que así o desexen para comezar co deseño deste plan provincial, incorporando as súas aportacións e ideas para mellor a súa coordinación cos servizos municipais de toda a provincia.