O PSdeG: "O alcalde leva 5 meses sen facer os deberes e agora acude ao rescate a Deputación"

"É inaceptable a apropiación indebida que o PP está a facer do Plan de Inversións Municipal, porque, como todo o mundo sabe, este plan xorde dunha proposta do PSOE. Proposta que fixemos despois de votar en contra, a finais do verán pasado, da modificación de crédito que pretendía levar adiante o PP para atender soamente a 5 proxectos de obras aillados e sen consensuar", iniciou a rolad de prensa o voceiro socialista Vázquez Barquero sobre a cooperación entre o ente provincial e o local para a continuación do Plan de Obras.

Finalmente, para o voceiro socialista "o colmo dos colmos xorde cando a Deputación ten que saír unha vez máis ao rescate do Goberno Municipal para salvar as actuacións deste Plan de Inversións, todo porque o Goberno de Jesús Vázquez estivo 5 meses sen facer os deberes e agora non pode cumprir os prazos administrativos".