Seixalbo chama a participar este domingo na súa andaina solidaria

Dentro da programación do seu recoñecido Seixalbo Cultural, que este ano acada a 38ª edición, a asociación veciñal organiza unha Andaina Solidaria cuxa recadación se destinará integramente ao Banco de Alimentos de Ourense.

A cita para todos os que queiran colaborar e gozar dunha mañá de deporte e natureza será o vindeiro domingo, 7 de setembro. A saída está programada para as 9,30 horas dende o Parque da Infesta.

Os participantes percorrerán unha ruta duns 8 quilómetros, parte dela por terra queimada polo incendio que sufriu o núcleo, cun regreso estimado ao mesmo punto de partida arredor das 12,00 do mediodía. A inscrición consiste nun donativo voluntario de 5 euros para os adultos, unha achega que servirá para axudar ás familias que máis o precisan na provincia.