Victoria e Inma viaxaron xuntas coas aventuras de Xela

Inma Soto Iglesias, educadora ambiental e membro do grupo de Narración Oral Galega (NOGA), fixo unha visita moi especial no Complexo Hospitalario Universitario de Ourense (CHUO). Acompañada do seu libro, "Xela, a superheroína da aldea", pasou un anaco con Victoria, outra gran loitadora, como a protagonista do conto do que é autora. Victoria atópase no CHUO estes días porque está pachucha e debe estar ingresada na área pediátrica do hospital, e a visita de Inma enchéuna de ledicia.

Xuntas, unha lendo e outra escoitando, viaxaron con Xela a través das historias que conta das súas aventuras polo rural. Como só puido estar Victoria presente, Inma Soto encargoulle unha importantísima tarefa: contar aos demais nenos ingresados o conto de "Xela, a superheroína da aldea", e transmitirlles enerxía e folgos a través das aventuras da súa protagonista. Deseguro que o consegue!