A Xunta licita a reforma de colexios na cidade, Xinzo e Ambía

PLAN DE NOVA ARQUITECTURA PEDAGÓXICA

A Xunta investirá 640.000 euros en obras en centros educativos de Ourense, Xinzo e Xunqueira de Ambía. A Consellería de Educación licitou onte esas actuacións, enmarcadas no Plan de nova arquitectura pedagóxica.

CEIP Virxe de Covadonga en Ourense. | Foto: Google Maps

Na cidade melloraranse os colexios CEIP de Prácticas e CEIP Virxe de Covadonga. No primeiro ampliarase e reformarase o patio cuberto, unha actuación que conta cun orzamento de 130.000 euros. No segundo investiranse 77.000 na accesibilidade, para o que se instalará un ascensor e se construirá unha rampla.

No CEIP Carlos Casares de Xinzo, por 70.000 euros, instalarase un ascensor e reformarase un aseo.

Con 363.000 euros, no CEIP Padre Crespo (Xunqueira de Ambía) acometerase unha ampliación sobre o patio cuberto para albergar unha aula, un despacho, a sala de profesores e os aseos.

Contenido patrocinado

También te puede interesar

Lo último

stats