Achan o corpo sen vida dunha muller na praia de Lira

Segundo informaron fontes de Salvamento Marítimo, os tripulantes dunha embarcación particular alertaron ás 14,30 horas deste domingo da presenza na zona dun cadáver.

Ante este feito, ao lugar trasladouse a embarcación auxiliar do buque SAR Gavia, que recolleu o corpo e o trasladou ao muelle de Brens, no municipio de Cee. As mesmas fontes explicaron que ás 16,30 horas o xuíz procedeu a realizar o levantamento do cadáver.

Polo momento descoñécese a identidade da muller achada sen vida este domingo na Praia de Lira, zona na que medios de Salvamento Marítimo e outros corpos buscaban por terra, mar e aire a unha muller de 68 anos de idade que permanecía desaparecida dende o martes, día 20 en Carnota (A Coruña).