Castrelo do Val continúa fiel ao Sábado Maragato

O vindeiro 22 de febreiro, sábado, o concello de Castrelo do Val celebrará por cuarto ano consecutivo o seu entroido, coñecido como Sábado Maragato, tras recuperar esta antiga tradición. Volverán saír correr os maragatos, o traxe típico da localidade castrelá xunto coas madamas de Vilar. E tampouco faltará a presenza, como é costume, do actual Rei de Castrelo.

A partir das 16,00 horas lerase o pregón dende o balcón da Casa Consistorial, tralo que comezará o desfile do Maragato polas rúas de Castrelo ata o pavillón, onde haberá unha pinchada ao ritmo da charanga El Tattoo. O mesmo día haberá cuncas conmemorativas á venda para colaborar coa pervivencia do entroido. O Concello agradece asimesmo o labor da comisión organizadora.

Traxes da comarca

Acompañando a maragatos e madamas na troula estará a Mascarada de Castrelo, o Entroido de Campos, peliqueiros e cigarróns, o Entroido de Matamá, os Bombeiros de Vences e máis o folión de Vilariño de Conso.