Unha festa pasada por neve, cocido, formigas e borralla

Campobecerros celebrou o seu particular Entroido, coa condicionante das condicións climatolóxicas.

Este ano chegou a neve a vila xusto no fin de semana de celebración do Entroido. Os veciños saíron as rúas igualmente e desfrutaron o máximo que puideron.

A comida veciñal non faltou, ao igual que o tradicional cocido galego de menú. As formigas tampouco faltaron en Campobecerros para facer unha batalla campal digna do mellor Entroido. A borralla tampouco faltou para a batalla campal.

De disfraces deixáronse ver os peliqueiros, que tamén apareceron pola vila, ao igual que as vacas, os cervos e parranfós (os antigos disfraces que había antes).

O Entroido de Campobecerros é o único que se conserva no Concello de Castrelo do Val sendo fiel á tradición.

Tradición

Os veciños diríxense ao monte onde xa coñecen da existencia de formigueiros e amorean bastantes formigas en sacos para esparexer entre as persoas que acoden ao Entroido.

A maiores, tamén se esparexe borralla, que no inverno, ante tanta leña que se queima debido ás baixas temperaturas, hai en abundancia.