Peliqueiros, troula e a mellor bica en Laza

O Entroido de Laza 2025 xa leva varios días preparando a súa semana grande, con unha programación que é un dos puntos de interese da provincia durante estas últimas datas de febreiro e comezos de marzo. ten programación.

Tras desvelar o cartel, a medoados de xaneiro, a comisión e o Concello lazao revelaron as datas e as actuacións musicais que amenizarán os días de entroido. Os horarios dos actos dos días máis sinalados dependerán da climatoloxía, pero sempre se celebrarán.

- Hoxe, sábado 1 de Marzo, Sábado de Cabritadas: Pola tarde celebrarase a Gran Fariñada na Praza da Picota con música do grupo LouBand. Tamén haberá pasarrúas animado po la banda Tanto Nos Ten. Pola noite terá lugar a Troula e Cabritada dos Mozos. A formación Grupo 3.COM animará a verbena.

- Mañá, domingo 2 de Marzo, Domingo de Estrea: Pola mañá os Peliqueiros estrearanse no Entroido de Laza e tras a misa dominical, saudarán aos fregueses. A continuación, repartirase na Praza da Picota a bica do Peliqueiro. Nesta xornada, as charangas Europa e Os Kokakolas encargaranse dos pasarrúas. Pola tarde os Peliqueiros acompañarán as carrozas carnavalescas no seu desfile. O desfile contará coa animación musical do grupo tradicional Os Varacuncas e a charanga Felga.Pola noite: A charanga Los Támega e o grupo M3 Show animarán a verbena.

- Luns 3 de Marzo, Luns Borralleiro: Pola mañá levarase a cabo a Farrapada, a procesión da Xitanada dos Burros e farán acto de presenza os Maragatos. O pasarrúas correrán a cargo dos grupos No Cómbaro e Varacuncas. Pola tarde os asistentes poderán gozar coa música da charanga Europa. Tamén terá lugar a Baixada da Morena desde Cimadevila, acompañada por as formigas, toxos e cobelleiros. A continuación, repartirase cachucha para que degusten todos os asistentes.O grupo Festicultores animará a festa e a orquestra Triunfo amenizará a verbena.

- Martes 4 de Marzo, Martes de Entroido: Pola mañá saída dos Peliqueiros veteráns e os grupos No Cómbaro e Os Kokakolas animarán o pasarrúas. Pola tarde os asistentes poderán gozar co baile a cargo da orquestra Alma Latina, que dará paso á lectura do Testamento do Burro, ao Enterro do Entroido e ao Loito dos Peliqueiros. A charanga Bicoia porá a nota musical ao baile da noite.